Үлэ сыала: оҕо материальнай уонна духуобунай сыаннастары өйдүүр, харыстыыр уонна тэнитэр дьоҕурдаах киһи буолан тахсарыгар олук ууруу,  уруһуйдуур, айар дьоҕутун сайыннарыы.

     Студия  1998 сыллаахха тэриллибитэ. 2003 сылтан салайааччы тус бэйэтин «Адаптированная личностно-ориентированная программа по изобразительному искусству» ааттаах программатынан үлэлээн кэллэ. Программа 2004 сыллаахха республикатааҕы эбии үөрэхтээһин программаларын күрэҕэр бастакы миэстэни ылан «Мир детства – мир творчества» аатынан бэчээттэнэн республикаҕа тарҕаммыта. Куруһуок үлэтэ сүрүннээн үс хайысханан ыытыллар: ойуулуур-дьүһүннүүр искусство араас матырыйаалларынан уонна техникатынан уруһуйдуурга үөрэтии, айар үлэҕэ көҕүлээһин уонна научнай - чинчийэр үлэ бастакы олуктарыгар уһуйуу.

Студия үлэтин ситиһиилэрэ:

 - 2002 с. куруһуок үлэтэ үчүгэйинэн сыаналанан республикатааҕы эбии үөрэхтээһин киинин хайҕал суругунан бэлиэтэммитэ;

-  2003, 2004, 2006 сс. аан дойдутааҕы «Космос и я» уруһуйга күрэҕин дипломана;

- 2005 с. Х.К.Андерсен 200 сааһын бэлиэтиир тэрээһин чэрчитинэн ыытыллыбыт аан дойдутааҕы «Рисуем сказку» уруһуйга күрэҕин лауреата;

- 2007 с. куруһуокка «Россия образцовай коллектива» аат иҥэриллибитэ.

     Эбии үөрэх биир өрүтүнэн  бастыҥ иитиллээччилэр  айар үлэлэрин - тус бэйэлэрин быыстапкаларын тэрийии буолар. Ол курдук  2003 с. Попова Марианна,  2006 с. Игнатьева Кыыдаана уруһуйдарын, оҥоһуктарын быыстапката нэһилиэккэ, улууска, республикаҕа туран дьон сэҥээриитин ылбыта.  2009 с. Дарамаева Аля, Захаров Афоня быыстапкалара нэһилиэккэ, 2011 с. Кривошапкина Мотя быыстапката нэһилиэккэ, улууска тэриллэн эдэр художниктары үрдүккэ кынаттаабыта.  Быйыл 11 кылаас үөрэнээччилэрэ, выпускниктар Ира Бахчанен, Лена Бурнашева быыстапкаларын тэрийээри бэлэмнэнэ сылдьаллар.