Оскуола куруһуоктарын үлэтэ

 

    Оскуола5а  маңнайгы куруһуок К.М.Матвеев  тэрийиитинэн са5аламмыт. 1946 – 1952 сс. үлэлээбит куруһуокка о5олор музыкальнай грамота5а үөрэнэллэр эбит. Кэлин бу куруһуок струннай оркестрга кубулуйбут.

1947-1950 сс. үөрэнээччилэр  кыраайы үөрэтэр хайысхалаах куруһуокка дьарыктаммыттара, нэһилиэктэрин историятын үөрэтэн өбүгэлэрбит олорон ааспыт өтөхтөрүнэн сылдьыбыттара, баай ис хоһоонноох экспонаттары хомуйбуттара, дьо5урдаах о5олор учууталларын кытта кыыллар чуучулаларын оңорбуттара. Муспут матырыйаалларынан “Кыраайы үөрэтэр” музейы тэрийбиттэрэ. 

    50 – сс. ордук киэң хайысхалаах куруһуок үлэтэ оскуола пришкольнай учаастагын үлэтигэр көстөрө. Бу хайысханы са5алааччынан биология учуутала Матвеев К.М. буолбута. Куруһуок о5олоро “Тыыннаах муннук”, “Күөх муннук” тэрийэн, куруолук, дьиикэй куобах, холууп көрөллөрө-харайаллара. Пришкольнай учаастакка оҕуруот аһын арааһын олордубуттара. 1957с. республикаҕа пришкольнай учаастак үлэтэ 2 миэстэни ылбыта. 3 үөрэнээччи Бүтүн Союзтааҕы ВДНХ быыстапкатыгар кыттыыны ылбыттара: Дьячковская (Попова) Христина, Захаров Ким, Потапов Иван.

60-70-80 сылларга хас биирдии учуутал бэйэтин дьоҕурунан, сатабылынан араас хайысхалаах куруһуоктары үлэлэппиттэрэ. Ол курдук, радио, фото, драматическай, музыкальнай куруһуоктар үгүс оҕону хабан үлэлээбиттэрэ.